Əliyev Əlövsət Xudu oğlu - 25 yanvar 1961-ci ildə Yardımlı rayonunda anadan olub.
Orta məktəbi Yardımlı rayonunda oxuyub. 1979-81-ci illərdə hərbi xidmətdə olub.
1983-1988-ci illərdə BDU-nin hüquq fakültəsində əyani təhsil alıb. 1988-1999-cu illərdə Daxili işlər orqanlarında xidmət etmişdir. Müstəntiq, polis şöbəsinin rəisi və DİN-nin mərkəzi aparatında şöbə rəisi vəzifələrində çalışıb.
1999-cu ildən Beynəlxalq Miqrasiya Təşkilatının Azərbaycandakı nümayəndəliyinin hüquqi məsələlər üzrə ekspert vəzifəsinə təyin olunduğundan Daxili İşlər Orqanlarında xidmətini dayandırmışdır. Hal-hazırda həmin vəzifədə çalışır.
Eyni zamanda 1999-cu ildən təsis olunmuş Miqrantlara Hüquqi Yardım Mərkəzinin direktorudur.
O, həmçinin Azərbaycan Respublikası Elmlər Akademiyasının İnsan Hüquqları İnstitutunun baş elmi işçisidir.
Ailəlidir, 3 övladı var.